GARIZIM vel GERIZIM

GARIZIM vel GERIZIM

monsin in finibus tribûs Ephraim, et Manasse altissimus, in quo sita fuit urbs Sichem, prope quam habitavit et altare condidit patriarcha Abraham, Gen. c. 12. v. 4. et Iacob, Gen. c. 33. v. 20. In hoc monte Pontifex Manasses. frater Gaddi, quum duxislet filiam Satrapae Samaritani, ideoqueve a Iudaeis dignitate sacerdotii privaretur, confugiens ad socerum, templum simile Hierosolymitano aedificavit, et sacra similia Leviticis instituit co tempore, quo Alexander Mag. Monarchiam Persicam occupavit. Ioseph. l. 11. c. 7. Id templum annis 200. post, una cum Samaria, evertat Ioh. Hyrcanus fil. Simonis fratris Iudae Maccabaei. Ioseph. l. 13. c. 16. Sed tamen nihilominus in eiusdem montis vertice Samaritani, quorum 11000. a Vesasiano ibi occisa, adorabant, et acerrime Christianos oderant, usque ad Iustiniani Imp. tempora, qui plerosque ad fidem Christi perduxit, ac templum paulo ante iussu Zenonis Imp. in eo monte in honorem Christi exstructum instauravit, et munitionem addidit, unde seditiosos Samaritanos posset compescere, ut Procop. l. 5. de adificiis Iustiniani, narrat. Cyrillus putat hunc eundem montem esle, supra quem Iosue aedificavit altare, et populus Israel audivit a sacerdotibus recitari benedictiones, legi obtemperantibus propositas. Scribunt enim montem hunc, ad dextram fontis Iacob, Parnassi instar bicipitem fuisle, cuius alterum caput Gerizim, alterum Ebal nominatum sit. Vide quoqueve Deut. c. 11. v. 29. Ios. c. 8. v. 33. Iud. c. 9. v. 7.